Os meses do verán son para Dona Diáspora moi enriquecedores. Se por unha banda goza co seu labor de informadora turística pola outra sufre facendo de ‘Libro de Queixas’ dos milleiros de amigos do exterior que cada ano volven polas orixes. Son as dúas caras da Emigración Galega que esmorece afastada do manancial parroquial. A viaxe ás raíces é motivo de alegría porque non hai mellor sombra que a dos nosos rexos carballos.